السوداني وابو نص وجها لوجه (هذه من جد )

اوقات الواحد تكون الموجه فاتحه معه ومستعد يسولف ويضحك ان شاءالله مع جدار,كانت عصريه

يوم بعد المطر والجو ولا أروع والقوس قزح تشوفه من بعيد وكنت جالس انا وسوداني نسولف.

واحنا نتكلم بكل اريحيه وناخذ ونعطي في الحكي, جاني الشيطان من اليسار وقال: اموت واعرف كيف يتزوجون السودانيين.

قاطعت السوداني في كلامه وقلت : سبحان الله يازول شوف السعودي مايحب يتزوج الا سعوديه والمصري

مايحب يتزوج الا مصريه والسوداني وبقية الناس كذا.

السوداني دخل جو ومدد رجوله و حط يده ورا راسه وقال: انا اقول ليك , اصو (اصلا) كلامك عيدل

(عدل) وعين المنطغ (المنطق) , هزي (هذي) طبيعه البني آدمين , كول (كل) زول يحب البنيت(البنت)

اللي من طينتو(طينته).

انا : سبحان الله ,والله انك صادق, بس بيني وبينك كيف تقدر تختار فتاة احلامك او المواصفات اللي تحبها فيها .

السوداني: دي مادايره كلام عندنا مثل غديم(قديم) يقوليك أشاف (من يشوف) عصمان(عثمان) في

الشارع أشاف فاطنه(فاطمه )في البيت

انا فطست ضحك ع المثل بس استحيت وخفت ياخذ يخاطره وسويت اني اكح

قلتله : لا يازول ما اقصد كذا, تكلملي عن البنت اللي تبي تتزوجها شكلها لونها زي كذا.

السوداني : والله انتا (انت) لئيم بشكل (ويضحك ضحكه صفراء على باله فيدل كاسترو وهو يتكلم ع امريكا)

قلت : ياشيخ صفي النيه ماعليها الا انت و اخوك .

السوداني : شوف اممممم انا اقوليك, البنيت ازا ما كانت صفراء ومكوعبه والا زاتا ما حرمه.

يرحم ام الضحك اللي جاني منه , هيا بذمتكم تخيلوا بنت صفراء

انا قاطعته : اي صفراء واي مكوعبه تكلم جد يازول.

السوداني تلخبط شوي حسيت انه يبي يوصل المعلومه بس ماقدر,

قلتله: اشرح لي كلامك ببساطه

قال: الازفر (الاصفر) عندنا في الزودان (السودان) يعني البني الفاتح والازرغ (الازرق) يعني اللون الازود

(الاسود).

انا : طيب هذي فهمناها بذمتك اشرحلي مكوعبه.

السوداني : يعني التخينه(السمينه) و............

وبدا الزول يشرح وعينك ماتشوف الا النور , وانا كل شوي ادق اللطمه من الضحك ماحبيت احرجه, وانا اللي

اسمع اذان المغرب وانقز من عنده وقوله : ياحبك للسوالف ذي يازول هيا نصلي

السوداني: ماشي يازول وللحديس(الحديث) بغيه (بقيه)

انا صليت المغرب ومشيت قلتله عندي مشوار , وانا في الطريق جالس افكر سبحان الله , كل جنس يحب

جنسه, تلاقي الافريقي يحب الافريقيه والاوروبي يحب الاوربيه والاسيويين يحبو بعض .

ايقنت بعدها بالمثل الشعبي (مايبني الديره الا حجرها)

مع العلم ان فيه ناس ويعتبرون قله, ممكن تلاقي اوروبي ماخذله اسيويه , افريقي ماخذله امريكيه, سعودي

ماخلذله اجنبيه

ما أقول الا سبحان ربي كيف خلى كل جنس يحب جنسه مع العلم ا ن غيره ممكن يشوفه غير مقبول

مـــــــــــــــــــــنــــــــــــــــــــــــــــقـــــــــــــــــــــــــــــــــول